30-44-nik ukiullit amerlanersaat meeqqat atuarfianit qaffasinnernik ilinniarnermik naammassinnissimapput
Ataani titartakkat takutippaat 2006-imi aammalu 2016-imi inuit 16-it sinnerlugit ukiullit ilinniakkani naammassisimasaasa qaffasissusaat, ukiut tulleriaarnerinut agguaallugit.
Titartagaq 2. 2006-imi innuttaasut ilinniakkani naammassisimasaasa qaffasissusaat
Nalunaarut: Ilinniarnertuunngorniarluni inuussutissarsiornermilu ilinniarnerni aamma qaffassarluni ilinniarnerit ilaapput.
Najoqqutaq: Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROC).
Titartagaq 3. 2016-imi innuttaasut ilinniakkani naammassisimasaasa qaffasissusaat
Nalunaarut: Ilinniarnertuunngorniarluni inuussutissarsiornermilu ilinniarnerni aamma qaffassarluni ilinniarnerit ilaapput.
Najoqqutaq: Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROC).
Titartakkat takutippaat 2016-imi innuttaasut ilinniagaqarnerisa qaffasissusiisa agguaqatigiissinneri ukiunut qulinut kingullernut naleqqiullugit neriunartumik siuariaateqarsimasut.
Agguaqatigiissinnerini 2016-imi innuttaasut 30-niit 40-t aallartilaarlugit ukiullit amerlanerussutillit meeqqat atuarfiannik qaffasinnerusunik ilinniagaqarsimapput, ukiullu qulit matuma siornatigut agguaqatigiissinnerini amerlanerussutillit taamaallaat 30-t 34-llu akornanni ukioqarsimallutik.
2016-imi 40-44-nik ukiullit ingerlariaqqiffiusumik ilinniarfinnik qaffasinnerpaamik ilinniagaqarsimasut amerlassusaanni agguaqatigiissillugu annertunerpaamik qaffariaateqarsimapput, ukiut qulit matuma siornamut naleqqiullugu 8,8 procentpoint-inik qaffariarsimallutik.
Ilinniarnertuunngorniarluni imaluunniit inuussutissarsiornermi ilinniarnernik qaffasinnerpaatut ilinniagaqarsimasuni 2016-imi 45-49-nik ukiullit agguaqatigiissillugu annertunerpaamik qaffariaateqarsimapput, ukiut qulit matuma siornamut naleqqiullugu 14,8 procentpoint-inik qaffariarsimallutik.